GKG

Vegna veðurs hefur verið ákveðið að fresta öðrum hring á Eimskipsmótaröðinni til sunnudagsins 13 júní.

Ræst verður út í annan hring frá kl 06:30 og verður ræst út eftir skori frá fyrsta hring.  Kylfingar eru hvattir til að fylgjast með rástímaskráningu á www.golf.is.

Ræst verður út í lokahringinn kl. 12:00 og verður þar einnig ræst út eftir skori.

Mótanefnd

Eins og félagar hafa tekið eftir þá er GSÍ með stigamót á Leirdalsvelli bæði laugardag og sunnudag.  Völlurinn verður allveg lokaður laugardaginn 12 júni og fram eftir degi á sunnudeginum. 

Félagar í GKG geta leikið aðra velli inn GSÍ á 50% gjaldi þessa tvo daga.  Við vonum að félagar sýni þessu skilning og nýti tækifærið til að prófa aðra velli þessa helgina.

Stjórn GKG

Sunnudaginn 6. júní bauð GKG starfsmönnum Kópavogs- og Garðabæjar og fjölskyldum þeirra upp á golfdag á svæði klúbbsins við Vífilsstaði til að kynna það góða og öfluga starf sem fer fram hjá klúbbnum.

Afrekskylfingar og þjálfarar klúbbsins héldu uppi dagskrá á milli 10-14 sem var samansett af ýmiskonar stöðvum. Fengu starfsmenn bæjarfélaganna kennslu í púttum, vippum og leiðbeiningar í sveiflunni auk þess sem bestu kylfingar klúbbsins sýndu hæfileika sýna á golfsýningu sem tókst afar vel.

Eftir golfsýninguna var haldin grillveisla og keppendur undirbjuggu sig fyrir Texas scramble mót sem haldið var á Mýrinni  þar sem 16 manns tóku þátt.

Úrslit í mótinu urðu eftirfarandi:                                                         högg m/forgjöf
1. sæti - Ragnheiður Stephensen/Unnur Sæmundsdóttir                          30 högg
2. sæti - Bergþóra Sigmundsdóttir/Gunnar Valdimar Johnsen (yngri)       35 högg ( betri á seinustu 6 holum)
3. sæti - Alexander Lúðvíksson/ Kristinn Jónsson                                   35 högg

Hlutu þessir keppendur verðlaun úr golfverslun GKG.

Að lokum vill klúbburinn þakka öllum þeim sem að tóku þátt í deginum og vonandi verður hægt að endurtaka leikinn að ári.

Fyrsta mótið af þremur í Bushnell mótaröð meistaraflokkskylfinga fór fram í gær í GKG. Um er að ræða samstarf milli GKG, GO og GK. Mótaröðin er hluti af uppbyggingar og afreksstarfi klúbbanna og miðar að því að undirbúa afrekskylfinga til þátttöku á GSÍ mótaröðinni. Mótin eru þrjú talsins en tvö af þremur gilda í heildarkeppninni þar sem sigurvegarar í karla og kvennaflokki hreppa að launum Bushnell Pinseeker Tour V2 kíki. Alls kepptu 35 kylfingar í gær í fyrsta mótinu og setti Axel Bóason nýtt og glæsilegt vallarmet í karlaflokki, en hann lék á 67 höggum af hvítum teigum. Næsta stigamót í Arion banka mótaröðinni fer fram í GKG á Leirdalsvelli, og þ.a.l. hafa keppendur nýtt viðmið hvað skor varðar. Systir hans, Jódís, var með besta skorið í kvennaflokki, 75 högg.

Hér fyrir neðan má sjá bestu skorin, en úrslit hjá öllum keppendum má sjá hér. 

Þau Gunnar Árnason og María Guðnadóttir tryggðu sér um helgina sæti í landsliðum eldri kylfinga. Til hamingju með árangurinn!

Hér fyrir neðan má sjá hvernig liðin eru skipuð:

Landslið karla 55+ án forgjöf:
Jón Haukur Guðlaugsson GR 871,7
Óskar Sæmundsson GR 809,2
Rúnar Svanholt GR 682,5
Þorsteinn Geirharðsson GS 645,0
Snorri Hjaltason GR 637,5
Friðþjófur A. Helgason NK 630,0

Landslið karla 55+ með forgjöf:
Stefán B. Gunnarsson GR 657,5
Gunnar Árnason GKG 616,7
Guðmundur Ágúst Guðmundsson 603,3
Guðjón Þorvaldsson GKJ 597,5
Jón Alfreðsson 500,0
Jóhann P. Andersen 490,0

Landslið kvenna 50+:
María Málfríður Guðnadóttir GKG 850,0
Guðrún Garðars GR 817,5
Margrét Geirsdóttir GR 762,5
Kristjana Aradóttir GK 729,2
Erla Adólfsdóttir GK716,7

Landslið karla 70+:
Sigurður Albertsson GS 818,3
Páll Bjarnason GR 763,3
Kolbeinn Péturtsson GR 746,7
Sigurjón R Gíslason GK 741,7
Jens Karlsson GK 702,5
Elías Þ. Magnússon GK 672,5

Um helgina lauk öðrum stigamótum sumarsins í Arionbankamótaröð GSÍ og Áskorendamótaröð GSÍ. Mótin fóru fram á Korpu og Kili og var þátttaka frá GKG mjög góð og árangur víðast hvar einnig mjög góður. Bestum árangri GKG kylfinga í Arionbankamótaröðinni náði Emil Þór Ragnarsson, en hann endaði í 2. sæti í flokki 15-16 ára. Besta hring GKG kylfinga náði Davíð Ómar Sigurbergsson, en hann lék á 70 höggum, einu höggi undir pari og endaði í 8. sæti í flokki 17-18 ára. Nánari úrslit úr öllum flokkum er hægt að sjá með því að smella hér.

Í Áskorendamótaröðinni náði Gunnhildur Kristjánsdóttir þeim frábæra árangri að sigra í sínum flokki. Til hamingju með sigurinn! Nánari upplýsingar um úrslit er hægt að finna með því að smella hér.

Um er að ræða tveggja daga vinkvennakeppni milli golfklúbbanna. Sá klúbbur sem fær flesta samanlagða punkta þessa tvo daga vinnur og verður miðað við 10 punktahæstu konur hvorn dag úr hvorum klúbbi. Hámarks forgjöf er 36. Einnig verða veittar viðurkenningar til þriggja kvenna sem verða með samanlagða flesta punkta þessa tvo daga og einnig fær sú kona viðurkenningu sem verður með lægsta samanlagða skorið báða dagana.

Mánudaginn 7. júní nk. heimsækja GKGkonur konur í GO á Urriðavöll. Spilaðar verða 18 holur og er vallargjaldið kr. 2.500 fyrir GKGkonur. Skráningu lýkur sunnudaginn 6. júní. Opnað hefur verið fyrir skráningu í ráðtíma fyrir kl. 14:00.

Þriðjudaginn 15. júní nk. heimsækja GOkonur konur í GKG á Vífilsstaðavöll. Spilaðar verða 18 holur og er vallargjaldið kr. 2.500 fyrir GOkonur. Skráningu lýkur sunnudaginn 13. júní n.k. Skráning fer fram á golf.is, GKG/GO Kvennamót. Stefnt verður að því að saman leiki í holli tvær konur frá GO og tvær konur frá GKG. Í mótslok 15. júní nk. verða afhentar viðurkenningar.

Opnað verður fyrir skráningu á golf.is  kl 13 mánudaginn 7 júní

Óski konur eftir því fá súpu og brauð við leikslok hvorn dag skulu þær geta þess sérstaklega við komu í veitingasalinn og greiða sérstaklega fyrir.

Kvennanefndir GKG og GO.

Fyrsta mót ársins í miðvikudagsmótaröðinni fer fram næstkomandi miðvikudag 9. júní.
Fyrirkomulagið er það sama og áður. Kylfingar skrá sig venjulega á rástíma, koma inn í golfverslun og greiða þar mótsgjald 1.500 krónur og fá útprentað skorkort til að skrá inn skorið sem á að skila inn eftir hringinn. Kylfingar hafa möguleika á því að skila inn skorkortinu til kl 22 á fimmtudaginn eftir mótið.  Leikin er punktakeppni í karla og kvennaflokki og gilda 4 bestu hringirnir af 6 í sumar. Eins og áður verða glæsileg verðlaun fyrir heildapunktakeppnina eins sem að veitt verða verðlaun fyrir flesta punkta í einstökum mótum.