GKG

GKG konur

Munið að skrá ykkur í vinkvennamót GO/GKG en fyrrihluti mótsins fer fram á Urriðavelli mánudaginn 7. júní nk. Skráning er hafin á www.golf.is.  Veitt eru verðlaun fyrir besta samanlagðan einstaklingsárangur, þ.e. flesta punkta (þrenn verðlaun).  Einnig verða veitt verðlaun fyrir besta samanlagða skorið fyrir báða dagana.  Leikið verður hjá okkur þriðjudaginn 15. júní nk.

Kveðja Kvennanefndin

Opna Atlantsolíu mótið fór fram í dag í blíðskaparveðri á Leirdalsvelli.

Alls tóku 123 kylfingar þátt í mótinu.  Menn og konur spiluðu glæsilegt golf og náði Símon Kristjánsson þeim skemmtilega árangri að fara holu í höggi á 11. holu vallarins. Einnig náði kappinn í nándarverðlaun á 2. holu og 39 punktar kórónuðu góða frammistöðu hans í dag.

Annars urðu úrslitin eftirfarandi:

Punktakeppni m/ forgjöf

1.sæti   Björn Ragnar Björnsson            43 punktar
2.sæti   Helgi Róbert Þórisson               42 punktar (betri á síðustu 6 holunum)
3.sæti   Karl Hólm                                42 punktar

Höggleikur án forgjafar

1.sæti   Birgir Leifur Hafþórsson            67 högg
2.sæti   Ottó Sigurðsson                        69 högg  (betri á síðustu 6 holum)
3.sæti   Þórður Ingi Jónsson                  69 högg

Nándarverðlaun:

2. hola – Símon Kristjánsson  210 cm frá holu
13. hola – Tómas Magnús Þórhallsson 324 cm frá holu
17. hola – Sigurður Sigurðsson 216 cm frá holu

Við þökkum Atlantsolíu og öllum þeim kylfingum sem tóku þátt í mótinu fyrir góðan dag!

Meistaraflokkur karla og kvenna í GKG fór í vel heppnaða æfingaferð á Kiðjabergsvöllinn s.l. Hvítasunnuhelgi. Alls voru 20 kylfingar sem fóru austur, auk þjálfara. Gist var í sumarbústöðum við golfvöllinn og dagarnir vel nýttir til leiks og æfinga, en Íslandsmótið í höggleik fer fram á Kiðjabergsvellinum í sumar, og var þetta hugsað sem liður í undirbúningi fyrir stærsta mót sumarsins. Þátttakendur söfnuðu fyrir ferðinni í vetur með ýmsum hætti. Einnig styrktu Sild og fiskur, og Mjólkursamsalan með matarpökkum og fá þau fyrirtæki bestu þakkir fyrir.

Aðstæður voru allar hinar bestu á Kiðjabergi, völlurinn í frábæru ásigkomulagi og veðrið hið besta. Aðstandendur á Kiðjbergi fá þakkir fyrir góðan völl og góðar móttökur. Leiknar voru 18 holur laugardag, sunnudag og mánudag, en einnig æft eftir golfhringina með sérstakri áherslu á stutta spilið. Einnig var lögð töluverð áhersla á leikskipulag og huglæga þjálfun, enda er Kiðjabergsvöllurinn krefjandi og þurfa leikmenn að vera í góðu leikformi til að ná góðum árangri þar.

Meistaraflokkur GKG hefur æft vel í vetur og kemur vel undirbúinn til leiks fyrir fyrsta stigamótið í GSÍ mótaröðinni, sem fer fram í Vestmannaeyjum, og verður spennandi að fylgjast með okkar fólki þar.

KONUR Í GKG

Kvennamót 1. júní 2010!

9 holu punktamót verður þriðjudaginn 1. júní nk. í Mýrinni í kvennatímanum. Hámarks leikforgjöf er 48.  Skráning fer fram á www.golf.is. Mótsgjald er kr. 1.000 og greiðist við upphaf móts með peningum eða með því að leggja inn á reikning kvennanefndar 1135-05-423727, kt. 220550-3979.

Kveðja, Kvennanefndin

Fyrsta móti sumarsins í GSÍ mótaröð unglinga lauk um helgina í Leirunni og náðu keppendur GKG margir hverjir mjög góðum árangri. Egill Ragnar Gunnarsson gerði sér lítið fyrir og sigraði í flokki 14 ára og yngri drengja, lék mjög glæsilega á 71 og 72, eða einum undir á 36 holum. Hægt er að sjá úrslit allra keppenda með því að smella hér.

Hópur verðlaunahafa í stigamótinu. Egill Ragnar er lengst til hægri.

Einnig var keppt í Áskorendamótaröð GSÍ í Sandgerði, en leiknar voru 18 holur. Þátttaka var mjög góð frá GKG og árangur sömuleiðis, en í flokki 14 ára og yngri náðu GKG kylfingar 2.-5. sæti (af 39), þar á meðal Sigurður Garðarsson, sem lék á 84 höggum, aðeins 8 ára gamall! Úrslit allra keppenda er hægt að sjá með því að smella hér.

Næsta GSÍ stigamót unglinga fer fram helgina 5.-6. júní á Korpúlfsstaðavelli, og Áskorendamótaröðin verður 5. júní hjá Kili Mosfellsbæ.

Ágætu kylfingar

Skráning er nú hafin á Opna Atlantsolíumótið sem verður haldið laugardaginn 29. maí á Leirdalsvelli.
Keppnisfyrirkomulagið er punktakeppni með forgjöf og höggleikur án forgjafar.
Nú er um að gera að kjósa rétt og skrá sig í fyrsta opna mót sumarsins

Skráning fer fram inná www.golf.is

Skráning á sumaræfingar barna og unglinga, sem eru félagar í GKG, er hafin og má sjá æfingatöfluna með því að smella hér. Þessi tafla gildir frá 14. júní – 20. ágúst. Vonandi henta tímasetningarnar sem flestum. Æfingar verða þrisvar í viku, þ.e. 2x1 klst og 1x2 klst spilæfing. 

Skráning fer fram með því að smella hér og fylla út umsóknarformið.  Skráningum lýkur 6. júní. 

Skráningargjald fyrir sumaræfingarnar er kr. 10.000 og gildir það fyrir æfingar til 17. september, en ný æfingatafla tekur við 23. ágúst þegar skólar hefjast.  Gott er að skrifa í athugasemdadálkinn ef óskað er eftir að fara í sérstakan hóp innan aldursflokksins eða ef vinir/vinkonur vilja æfa saman. Ef þátttakandi er með forgjöf vinsamlegast setjið rétta forgjöf í þann reit.

Bestu kveðjur,
Úlfar Jónsson, Íþróttastjóri GKG

Opnunarmót Leirdalsvallar fór fram í dag og fór mótið vel fram. Úrslit úr mótinu eru eftirfarandi

Punktakeppni kk
1. sæti - Björn Ragnar Björnsson        40 punktar
2. sæti - Emil Þór Ragnarsson             39 punktar (betri á seinni 9 holunum)
3. sæti - Gísli Guðbjörnsson                39 punktar

Punktakeppni kvk
1. sæti - Guðfinna Halldórsdóttir            37 punktar
2. sæti - Signhild B. Borgþórsdóttir        33 punktar
3. sæti - Ásta Hólmfríður Bragadóttir     32 punktar (betri á seinni 9 holunum)

Nándarverðlaun
4. hola - Emil Þór Ragnarsson
13. hola - Jón Ögmundsson

Vinningshafar geta nálgast verðlaun sín í Proshop á milli 8-22