GKG

Íslenska landsliðið sem keppir í Evrópumóti landsliða í Svíþjóð var tilkynnt í morgun. Tveir kylfingar úr GKG eru í liðinu, þeir Sigmundur Einar Másson og Alfreð Kristinsson. Við óskum þeim til hamingju með valið. Derrick Moore, þjálfari hjá GKG er þjálfari landsliðsins. Liðið er skipað eftirfarandi kylfingum:

Alfreð Brynjar Kristinsson GKG
Axel Bóasson GK
Hlynur Geir Hjartarson GK
Kristján Þór Einarsson GKj
Ólafur Björn Loftsson NK
Sigmundur Einar Másson GKG
Liðsstjóri Ragnar Ólafssonl og Derrick Moore

EM karla fer fram hjá Österåkers Golf Club, Åkersberga í Svíþjóð. Mótið fer fram 6.-10. júlí og missa þeir þá af Meistaramóti GKG.

Kvennalandslið Íslands sem keppir á EM á Spáni er skipað eftirfarandi kylfingum.

Eygló Myrra Óskarsdóttir GO
Ólafía Þórunn Kristinsdóttir GR
Ragna Björk Ólafsdóttir GK
Signý Arnórsdóttir GK
Tinna Jóhannsdóttir GK
Valdís Þóra Jónsdóttir GL
Liðstjórar: Steinunn Eggertsdóttir og Karl Ómar Karlsson

EM kvenna fer fram á La Manga á Spáni 6.-10. júlí.

Sigurður Arnar Garðarsson, er aðeins 8 ára og er þegar kominn með 20,7 í forgjöf! Blaðamaður Morgunblaðsins hitti Sigurð um daginn og úr varð stórskemmtilegt sjónvarpsviðtal sem má sjá hér.

Nú fer hver að verða síðastur að skrá sig í hið árlega sólstöðumót kvenna sem fram fer á Leirdalsvelli á föstudagskvöld.  Mótið er punktamót og verður ræst út af öllum teigum kl. 18:45.  Mæting er kl: 18:00

Leikið verður í tveimur flokkum: konur undir 24 og konur 24,1 - 40.  Hámarks vallarforgjöf er 40.

Verð er kr. 4.500 og er innifalið súpa, salat og brauð að leik loknum.

Glæsileg verðlaun verða fyrir fyrstu 4 sætin í hvorum flokki. Þar á meðal gisting fyrir 2 á EDDU Hóteli með morgunverði. Hádegisverður fyrir 2 á Hótel Holt. Kvöldverðarhlaðborð fyrir 2 í Lóninu Hótel Loftleiðum. Golfkennsla hjá Úlfari Jónssyni, golfpokar frá Holi in One.
* Leikmenn verða að hafa gilda forgjöf til að geta unnið til verðlauna.

Nándarverðlaun á 2, 11, 13, og 17. holu

Dregið verður úr skorkortum í mótslok og verða keppendur að vera á staðnum til að geta hlotið þau.

Verðlaunafhending verður í golfskála í mótslok.

Kveðja, kvennanefnd

Annað mót ársins á Miðvikudagsmótaröðinni fer fram næstkomandi miðvikudag 23. júní

Fyrirkomulagið er það sama og áður. Kylfingar skrá sig venjulega á rástíma, koma inn í golfverslun og greiða þar mótsgjald 1.500 krónur og fá útprentað skorkort til að skrá inn skorið sem á að skila inn eftir hringinn. Kylfingar hafa möguleika á því að skila inn skorkortinu til kl. 22 á fimmtudaginn eftir mótið.  Leikin er punktakeppni í karla og kvennaflokki og gilda 4 bestu hringirnir af 6 í sumar. Eins og áður verða glæsileg verðlaun fyrir heildapunktakeppnina eins sem að veitt verða verðlaun fyrir flesta punkta í einstökum mótum.

Úrslit eftir 1. hring má nálgast hér

Um helgina lauk 3. stigamóti ársins í Arion banka mótaröð GSÍ. Leikið var á Strandarvelli við Hellu. GKG kylfingar stóðu sig mjög vel og sigraði Ragnar Már Garðarssson í flokki 15-16 ára, lék á 66 höggum á seinni keppnisdegi og sigraði með tveggja högga mun!

Nánari upplýsingar um árangur allra keppenda má finna hér.

Á myndinni má sjá verðlaunahafa í flokki 15-16 ára, frá vinstri Hallgrím Júlíusson, Ragnar Má og Bjarka Pétursson.

Einnig var haldið mót nr. 3 í Áskorendamótaröðinni og komu GKG kylfingar vel út úr þeirri keppni en Óðinn Þór Ríkharðsson og Viktor Franz Jónsson, sigruðu í sínum flokkum, en úrslit úr mótinu má sjá hér.

Í dag 21. júní til og með miðvikudagsins 23. júní fer fram fíngerð tappagötun á flötum 1, 2, 16, 17 og 18 á Leirdalsvelli.

Á meðan á þessum aðgerðum stendur verða bráðabirgða holur framan við þá flöt sem unnið er á hverju sinni. Þetta er nauðsynleg framkvæmd til að bæta flatir vallarinns og ættu flatirnar að jafna sig á rúmlega viku.  Við vonum að félagar sýni þessari framkvæmd skilning.

Kveðja, Vallarstjóri